Er það nema furða að fólk hefur misst alla virðingu fyrir ALÞINGI!

Aftur og aftur heyrir maður frá umræðum á ALÞINGI sem eru alveg út úr KÚ! Endemis rugl og þvæla á meðan fyrirtæki og fólk er að berjast í bökkunum til að lifa af eftir HRUNIÐ!
ER NEMA FURÐA ÞÓ AÐ FÓLK HEFUR MISST VIRÐINGU FYRIR ALÞINGI!

Rætt um brúnku Árna Páls á Alþingi

Athugasemdir

[Árni Gunnarsson, 15.6.2010 kl. 15:32]

"Er það nema furða?" Þessi vitleysa er orðin nokkuð föst málvenja og engin furða þótt fólk glepjist til að nota þetta skelfilega málfar.

Að eitthvað sé ekki nema furða segir frá því að það sé furðulegt.

Hér hefur bloggritari auðvitað meint að það sé engin furða þótt fólk hafi misst alla trú á Alþingi og því er ég fullkomlega sammála.

En fréttin segir frá því að Guðmundur St. hafi spurt Árna Pál um litarhaft hans. Litarhaft er nýtt í málinu og hálfgerð orðleysa sem sprottin er af mislæsi eða þeim skilningi að sá sem ritaði litaraft hafi slysast til að misrita það orð.

Litaraft eða litarraft er gamalt og gott íslenskt mál. Enga trú hef ég á því að frændi minn Árni Páll sé litarheftur. Hitt er augljóst að hann hefur dökkt litaraft.

Orðið haft hefur afar skýra merkingu og gildir þá einu hvort það stendur eitt og sjálfstætt eða í viðtengi.

Það er alltaf vafasamt að nota orð sem fólk þekkir ekki eða skilur nægilega vel.

[Valdi (IP-tala skráð) 15.6.2010 kl. 19:37]

Já , allveg svakalega gaman að þessari lesningu, Þú hefur ekki getað sett hana inná þitt blogg í stað þess að setja það hingað í nokkurskonar hæðnisstilgangi allveg hrikalega leiðinlegar svona sjálfskipaðar málfarslöggur á bloggum fólks. Tungumálið þróast einsog þú ættir að vita m.v hvað þú þykist fróður, Íslenska í dag er ekki eins og hún var 20 árum og þá var hún öðruvísi 20 árum fyrir það... Íhald borgar sig aldrei sýnir sig í stjórnmálum sem og þessu.

En að málinu , nei það er ekki skrítið að fólk hafi misst virðingu fyrir  Alþingi og fólkinu sem situr þar (á við um alla flokka fyrir hrun!!!) 

 kv Valdi

 Stafsetningalögreglumenn mega þaga yfir þessum pósti finnist hér málfarsvillur ég mun allavega ekki hlusta.

[Hrönn Guðmundsdóttir, 16.6.2010 kl. 00:48]

Kæru félagar - Árni og Valdi - ykkur til fróðleiks þá er ég eldri en tvívetra og veit vel muninn á milli litarAFTS og litarHAFTS - og ef og þegar ég sé slíkt á prenti eða heyri þess getið í umræðum á ljósvakanum eða annars staðar - þá hlusta ég betur eftir um hvað er verið að ræða til að skilja ef um misritun/-túlkun er að ræða!

Eins og þið vitið báðir þá erum við smám saman að sjá okkar ástkæra YLHÝRA mál - smám saman vera að drukkna í erlendu "SLANGI" - meira að segja þá nota æðstu yfirmenn þjóðarinnar erlend tungutök yfir samsvarandi falleg íslensk - sem við eigum! BARA HLUSTIÐ Á UMRÆÐUÞÆTTINA!

Við höfum áður verið dugleg - og sérstaklega fáeinir einstaklingar sem virkilega bera hag okkar tungumáls og varðveislu þess fyrir brjósti - að reyna að finna góð orð yfir allir þær nýjungar sem yfir okkur dynja!

En með öllu þessu flóði fjölmiðla - til augna og eyrna - og alls þess fróðleiks og mögulegra tenginga inn á t.d. VERALDARVEFINN - þá er okkur mikil hætta á að ef þessi málþróun heldur áfram - ÞÁ LOGNAST HIÐ ÍSLNSKA MÁL ÚT - og það á allt of skömmum tíma - er ég hrædd um - EF við reynum ekki að sporna við því!

HLUSTIÐ BARA Á TAL UMGMENNA Í DAG! Það er hreint SKELFILEGT!

PS: EN við ÖLL skiljum RÉTT þá fyrirsögnina sem ég setti fram:)